Fyrir bæjarráði í síðustu viku lágu fyrir upplýsingar um lokun vinnumálastofnunar á útibúi í Vestmannaeyjum og tilheyrandi skerðingu á þjónustu. Í kjölfar þess verður lagt niður stöðugildi starfsmanns og þjónustan flutt inn á atvinnusvæði borgarinnar.

Bæjarráð harmar þá aðför gegn landsbyggðinni sem ríkisvaldið stendur fyrir á forsendum flutnings opinberra starfa. �??�?rátt fyrir að óvíða séu færri ríkisstörf á bak við við hvern íbúa en í Vestmannaeyjum hefur hvert starfið eftir annað verið flutt frá Eyjum inn á atvinnusvæði borgarinnar sem í dag nær frá Borgarnesi, út að Árborg og yfir í Reykjanesbæ. Með störfunum fara bæði tækifæri og þjónusta. Sem dæmi um þessi störf má nefna stöðugildi á vegum Vinnumálstofnunar, Fiskistofu, Veðurstofu, heilbrigðisstofnunar, Vinnueftirlits, Matís og fleiri segir í bókun bæjarráðs.

Bæjarráð fagnar þeirri umfjöllun sem verið hefur í fjölmiðlum um flutning starfa frá atvinnusvæði borgarinnar á landsbyggðina og gerir ráð fyrir að flutningi starfa frá Vestmanneyjum verði sami áhugi sýndur.