Síðastliðna helgi tók Ísfélagið þátt í vörusýningunni What’s Cooking? 2026. Sýningin er ein af þremur „fish & chips“ sýningum sem Ísfélagið tekur árlega þátt í á Englandi.

Vörumerki Ísfélagsins, RAMMI, er eitt þekktasta merkið fyrir sjófrystan fisk í „fish & chips“ geiranum. Sýningin var vel sótt og að vanda fékk fyrirtækið hrós fyrir gæðin. Að þessu sinni komu þó einnig fram athugasemdir um hátt verð, enda hefur fiskverð hækkað á undanförnum árum.

Á myndinni má sjá Jón Pál markaðsstjóra, Gústaf Línberg vinnslustjóra og Callum Bellshaw frá Henry Colbeck spjalla við sýningargesti.