Í kvöld samþykkti félagsfundur Miðflokksins í Suðurkjördæmi tillögu uppstillingarnefndar um framboð listans í kjördæminu. Karl Gauti Hjaltason, lögreglustjóri í Vestmannaeyjum mun leiða listann.

Frá þessu greinir Karl Gauti á facebook-síðu sinni. Í næstu sætum verða Heiðbrá Ólafsdóttir og Ólafur Ísleifsson.

„Þeir sem kannast við mig vita að ég hlakka til að geysast um hið víðfema Suðurkjördæmi og hitta sem allra flesta á næstu vikum. Við stefnum að því að snúa stjórnmálunum úr kyrrstöðu í að gangsetja fjölmörg aðkallandi verkefni. Í kosningabaráttunni mun ég taka mér leyfi frá störfum lögreglustjóra. Hlakka til að hitta ykkur sem flest,” segir Karl Gauti Hjaltason í færslunni.

Lista flokksins í Suðurkjördæmi má sjá hér að neðan.

1. Karl Gauti Hjaltason, lögreglustjóri

2. Heiðbrá Ólafsdóttir, lögfræðingur og kúabóndi

3. Ólafur Ísleifsson, fv. alþingismaður

4. Kristófer Máni Sigursveinsson, verkstjóri

5. G. Svana Sigurjónsdóttir, bóndi

6. Sigurður Jónsson, hæstaréttarlögmaður

7. Snædís Ósk Guðjónsdóttir, stuðningsfulltrúi

8. Ingiberg Þór Jónsson, verkstjóri

9. Birgitta Rán Friðfinnsdóttir, bæjarfulltrúi

10. Jón Benediktsson, læknir

11. Sólveig Guðjónsdóttir, starfsmaður íþróttamannvirkja

12. Sigurjón Veigar Þórðarson, vélfræðingur

13. Þórdís Grímheiður Magnúsdóttir, húsmóðir

14. Bjarmi Þór Baldursson, bóndi

15. Herdís I Waage, aðstoðarskólameistari

16. Sigrún Harpa Sigurjónsdóttir Heide, stuðningsfulltrúi og leikskólaliði

17. Bergþór Gunnlaugsson, skipstjóri

18. Aron H Steinsson, rafmagnstæknifræðingur

19. María Brink, fv. verslunarstjóri

20. Sveinn Sigurjónsson, fv. skipstjóri