Hið  árlega Kjötsúpukvöld Karlakórs Vestmannaeyja var í Akóges í gærkvöldi og vel mætt eins og vænta mátti.  Er þessi skemmtilegi siður gott upphaf á starfsárinu. „Það er hins vegar undir okkur öllum komið hversu gagnlegt og skemmtilegt þetta verður. Það skiptir miklu máli að við mætum vel sjálfir og verum duglegir að bjóða með okkur,“ segir í tilkynningu og svöruðu menn kallinu.

Skorað var á fyrrverandi meðlimi að rifja upp kynnin því það stendur mikið til í vor og er Færeyjaferðin sem búið er að pískra með í næstum áratug komin á dagskrá. Allt fór vel fram og allir skemmtu sér hið besta eins og þessar myndir Óskars Péturs bera með sér.