KFS átti ekki í vandræðum með að leggja Stokkseyri að velli á Helgafellsvelli í dag en liðin leika í B-riðli 4. deildar Íslandsmótsins. Eyjamenn voru búnir að skora tvö mörk þegar fyrri hálfleikur var rétt að byrja en lokatölur urðu svo 9:0 hvorki meira né minna. Staðan í hálfleik var 3:0. Tryggvi Guðmundsson, gamli markahrókurinn sýndi að enn er líf í markaskónum en hann skoraði þrjú mörk í dag. Gauti �?orvarðarson, sem er í láni frá ÍBV, skoraði einnig þrennu en Gauti hefur verið iðinn við kolann með KFS og velta menn því fyrir sér af hverju hann sé ekki kallaður til baka til að hressa aðeins upp á sóknarleik ÍBV liðsins. Ingólfur Einisson skoraði svo tvö mörk og Hilmar Ágúst Björnsson skoraði eitt, kom KFS yfir strax í upphafi leiks með hörkuskalla eftir hornspyrnu.

�?etta var annar sigur KFS í röð í B-riðli í jafn mörgum leikjum en liðið er í efsta sæti riðilsins með sex stig og markatalan er 13:1.