Þær eru nokkrar hljómsveitirnar sem Eyjamenn hafa tekið ástfóstri við og eru Stuðmenn ofarlega í þeim hópi. Eftirminnilegar eru þjóðhátíðirnar 1982, þegar vinsælasta mynd Íslandssögunnar, Með allt á hreinu varð til. Eru atriðin í Vestmannaeyjum meðal hápunkta hennar. Svo var það stóra þjóðhátíðin 1986 sem sló öll met í aðsókn. Í næstu viku, föstu­daginn 24. febrúar, gefst Eyja­mönn­um kostur á að rifja þetta upp með Valgeiri Guðjónssyni sem þá mætir með fríðu föruneyti í Höllina.