Vestmannaeyjabær hefur sent frá sér tilkynningu vegna heilsuræktar við Íþróttamiðstöð. Þar segir að Vestmannaeyjabær hafi óskað eftir tilboðum í mars/apríl í uppbyggingu og rekstur nýrrar heilsuræktar við Íþróttamiðstöðina og óskaði jafnframt eftir tilboði í rekstur núverandi heilsuræktar þar til ný aðstaða verður tilbúin. Ósk um tilboð í rekstur núverandi heilsuræktar var til að tryggja að ekki yrði um þjónusturof að ræða þegar núverandi aðilar hætta 1. júní nk.

Málið hefur verið kært til kærunefndar útboðsmála og Vestmannaeyjabær hefur þ.a.l. ekki getað hafið samtal við World Class um framhaldið eins og stóð til skv. niðurstöðu bæjarráðs. Óljóst er hvenær niðurstaða fæst í málið. Það er mikilvægt að þjónusturofið verði sem minnst og því leggur Vestmannaeyjabær allt kapp á að leysa málið tímabundið þar til niðurstaðan í kærumálinu liggur fyrir. Frekari upplýsingar ættu að liggja fyrir innan skamms, segir í tilkynningu bæjaryfirvalda.

Hvað tekur við eftir að Hressó skellir í lás?