Á fundi bæjarstjórnar um miðja viku fór Íris Róbertsdóttir, bæjarstjóri yfir stöðuna í Landeyjahöfn og samkvæmt Vegagerðinni fór dýpið úr -6 í -3 metra á tveimur dögum í síðustu viku, þann 12. og 13. febrúar.

„Leiðindaspá er framundan og almennilegur dýpkunargluggi ekki fyrirsjáanlegur næstu vikuna. Álfsnesið verður þó til taks til að dýpka ef einhverjar breytingar verða. Fram kemur hjá Vegagerðinni að erfitt sé að spá fyrir um hversu mikið þurfi að dýpka. Það mun koma betur í ljós þegar ölduna lægir og hægt er að meta aðstæður. Líklegt er að dýpkun, til að halda fullri áætlun Herjólfs, taki nokkra daga.” segir í fundargerðinni.