Allt stefnir í að ÍBV taki á móti FH í Íslandsmótinu um verslunarmannahelgina. Fótbolti var áður fyrr fastur liður í hátíðahöldum þjóðhátíðarinnar en hefur ekki verið undanfarna áratugi. Ef af verður, er líklegt að leikurinn yrði annað hvort á föstudegi eða laugardegi. FH-ingar tryggðu sér sæti í 3. umferð Meistaradeildarinnar í gær og ef ÍBV fellur úr leik gegn Rauðu Stjörnunni, þá leika liðin um verslunarmannahelgina á Hásteinsvelli.