Valur sótti þrjú stig til Eyja í gær þegar þær unnu 3:1-sigur á ÍBV í Pepsi Max-deild kvenna í knattspyrnu. Eyjakonur komust þó fljótlegar yfir þegar Emma Kelly skoraði á fjórðu mínútu. ÍBV hélt forskotinu allt fram á 39. mínútu Valur jafnaði metin eftir hornspyrnu. Á lokamínútu fyrri hálfleiks komst svo Valur yfir með sjálfsmarki, aftur eftir hornspyrnu. Það var svo fimm mínútum fyrir leikslok sem Margrét Lára Viðarsdóttir innsiglaði 3:1-sigur Vals. ÍBV eru núna í fjórða sætinu með níu stig eftir fyrstu sjö leikina.
„Ég er mjög svekktur og þetta eru ódýr mörk sem við fáum á okkur og lítið við því að gera,“ sagði Jón Ólafur Daníelsson, þjálfari kvennaliðs ÍBV í knattspyrnu við mbl.is eftir leikinn í gær. En mikill hiti var bæði í leikmönnum og þjálfurum í leiknum og Jón Ólafur fékk sem dæmi gult spjald. „Maður er náttúrulega ekki með góðar minningar frá bikarleiknum hér um daginn, þar sem haft af okkur mark og ekki dæmd vítaspyrna, sem var fáránlegt. Síðan er Cloé rifin hérna niður í skyndisókn og það er ekki veifað gulu spjaldi. Maður hélt að það væri sami dómaraskandall að fara í gang og ég ætlaði bara að koma í veg fyrir það,“ sagði Jón Ólafur sagði dómgæsluna ekki hafa verið lélega í leiknum og mikill hiti í leiknum.
„Ég var mjög ánægður með allt liðið í dag. Við erum með ungar stelpur í liðinu. Markmann sem er með enga sögu í meistaraflokki, við erum með tvo bakverði sem er 15 og 16 ára. Hafdís Bára byrjar á kantinum hún er 16 ára og ég var ánægður með liðið. En manni langar að gera betur en það er bara ekki hægt að biðja um það því við erum ekki með reynslu og kunnáttu í það eins og er,“ sagði Jón Óli.
