Óbreytt fyrirkomulag á lundaveiði á heimalandinu

„Í kjölfar greinar sem ég skrifaði og birt var á Eyjamiðlunum 4. apríl sl. þá vil ég skora á bæjarráð að snúa til baka þeirri ákvörðun sem tekin var fyrir líklega 12 til 13 árum, þar sem ákveðið var að setja flest fjöllin á Heimaey í sérstakt veiðifélag og að aðrir en þeir sem væru í þessu félagi fengju því eingöngu að veiða lunda í Sæfelli,“ segir Egill Arnar Arngrímsson í bréfi til bæjarráðs sem tekið var fyrir á fundi ráðsins þann níunda júní.

Hann segir ákvörðunin hafi ekki verið góð og hafi elst illa. „Það er nákvæmlega ekkert sem kallar á að allir þurfi að vera í sama veiðifélagi til að veiða á heimalandinu. Það eru engin öryggissjónarmið sem kalla á það og allir veiðimenn þurfa að skila inn veiðiskýrslu til Umhverfisstofnunar. Eins og áður segir þá skora ég á bæjaryfirvöld að breyta þessu og skila almenningi fjöllunum,“ segir Egill.

Í fundargerð segir að ráðið hafi tekið fyrir ernindi Egils frá 4. maí sl. þar sem skorað er á bæjaryfirvöld að breyta reglum um lundaveiðar þannig að veiði verði gerð frjáls á öllum svæðum á Heimaey.

Niðurstaða bæjarráðs er að núverandi fyrirkomulagi veiða á Heimaey hafi verið  komið á árið 2008 að frumkvæði bæjaryfirvalda til þess að bregðast við minnkandi lundastofni í Vestmannaeyjum og ná betri stjórn og yfirsýn yfir veiðarnar.

„Veiðimenn hafa auk þess undanfarin ár verið hvattir til þess að halda veiðinni í lágmarki og láta lundann njóta vafans. Mikilvægur liður í þessu er að hafa í gildi reglur um nytjarétt, bæði í úteyjum sem og á Heimaey. Bæjarráð telur ekki ástæðu til þess að breyta reglum um veiðar á lunda á Heimaey að svo stöddu þar sem reynslan af þessu fyrirkomulagi hefur reynst vel,“ segir í fundargerðinni.

Nýjustu fréttir

Fréttir
Herjólfur til Landeyjahafnar seinni partinn
Aðsent
Sigurjón og Auðunn jafnir efstir á Skákþingi Vestmannaeyja 2026
Íþróttir
Emil Gautason í lokahóp u-16
Aðsent
900 krónur urðu að 45 milljónum!
Fréttir
Vara við snjóhengjum og grýlukertum
Myndband
Staðan í Viðlagafjöru þremur árum eftir fyrstu skóflustungu
Menning
S!ll! sendir frá sér nýtt lag og heldur tónleika í kvöld
Áhugavert
Óska eftir framlengingu á flugi vegna stöðunnar í Landeyjahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.