Fjögur lið frá ÍBV tóku þátt á Norðurálsmótinu sem fram fór á Akranesi um helgina. Norðurálsmótið er haldið árlega og er ætlað yngstu iðkendum í fótbolta, strákum og stelpum í 7. og 8. flokki.

Alls fóru fjögur lið frá ÍBV, skipuð strákum fæddum 2018 og 2019. Mótið hófst með setningu í hádeginu á föstudag og stóð fram á sunnudag. Kvöldvakan á laugardagskvöldinu vakti mikla lukku meðal þátttakenda þar sem VÆB og Luigi sáu um að skemmta gestum.

Mikil gleði og góð stemning einkenndu helgina og lék veðrið við mótsgesti. Mótið tókst afar vel og voru bæði leikmenn og stuðningsfólk ánægð með ferðina.

Myndasyrpa frá mótinu fylgir.