Kvennalið ÍBV í handbolta sigraði ÍR örugglega, 33-25, í næst síðustu umferð Olís deildar kvenna í Eyjum í kvöld.

Leikurinn var nokkuð jafn til að byrja með og var staðan 5-4 Eyjakonum í hag, eftir tíu mínútur. Þegar stundarfjórðungur var liðinn byrjuðu Eyjakonur hægt og rólega að auka forskot sitt og náðu þriggja marka forystu, 8-5. ÍBV leiddi með fimm mörkum, 15-10, í hálfleik.

ÍBV byrjaði síðari hálfleikinn af krafti og var sex marka munur á upphafs mínútunum. Þegar stundarfjórðungur var eftir var staðan 25-17. Eyjakonur unnu að lokum öruggan átta marka sigur. Lokatölur leiksins 33-25. 

ÍBV er öruggt í öðru sæti deildarinnar með 32 stig en Valskonur tryggðu sér deildarmeistaratitillinn í síðustu umferð. Þá geta Haukar, sem eru í 3. sætinu, ekki náð ÍBV að stigum. ÍR er í fjórða sæti með 22 stig. 

Birna Dís Sigurðardóttir, hornamaður ÍBV, var markahæst hjá Eyjakonum með átta mörk. Sara Dögg Hjaltadóttir, leikmaður ÍR, var markahæst í leiknum með 13 mörk. Amalia Frøland átti mjög góðan leik og varði 13 skot í marki ÍBV. Ólöf Maren Bjarnadóttir varði eitt skot.

Mörk ÍBV: Birna Dís Sigurðardóttir 8 mörk, Sandra Erlingsdóttir 6, Alexandra Ósk Viktorsdóttir 3, Ásdís Halla Hjarðar 3, Ásta Björt Júlíusdóttir 3, Birna Berg Haraldsdóttir 2, Birna María Unnarsdóttir 2, Agnes Lilja Styrmisdóttir 2, Amelía Dís Einarsdóttir 1, Klara Káradóttir 1, Lilja Kristín Svansdóttir 1, Birna Dögg Egilsdóttir 1.

Lokaumferð Olís deildar kvenna fer fram laugardaginn 21. mars. ÍBV sækir þá Val heim í N1 höllina kl 14:00.

Úrslit úr öllum leikjum kvöldsins í Olís deild kvenna:

KA/Þór 30 – 31 Valur

Selfoss 22- 30 Haukar

ÍBV 32 – 25 ÍR

Stjarnan 34 – 34 Fram