Skapast hefur skemmtileg hefð með Sjómannabjórnum sem drengirnir á Brothers Brewery standa fyrir á hverjum sjómannadegi. Hann var að þessu sinni helgaður Braga Steingrímssyni, trillukalli á Þrasa VE með meiru og keypti útgerðin ásamt Phoenix Seafood flöskuna á uppboði á Sjómannahátíðinni í Höllinni á laugardagskvöldið.

Útgerðarfélag Þrasa VE heitir því virðulega nafni, Útgerðarfélagið Hellisey og bauð það 800.000 krónur í flöskuna á uppboði sem Rikki á Vestmannaey VE stýrði af snilld. Bragi og Sigurður sonur hans tóku á móti flöskunni og renna peningarnir til Krabbavarnar.

Fréttin hefur verið uppfærð.