Það er eðlilegt að spurt sé hvort samgöngur hafi áhrif á heimsóknir þingmanna til Vestmannaeyja í kjördæmaviku. Eyjafólk þekkir betur en flestir aðrir hvað það þýðir þegar siglt er til Þorlákshafnar og veðrið ræður för. En staðreyndir skipta máli í þessari umræðu.

Þingmaður Miðflokksins, Karl Gauti Hjaltason, hefur ekki látið samgöngur stöðva sig.

Í kjördæmavikunni í febrúar 2025 kom hann til Vestmannaeyja og átti m.a. fund með bæjarstjóra. Í lok september sama ár var hann aftur í kjördæmaviku í Eyjum. Þrátt fyrir að bæjarstjóri hafi þá verið fjarverandi átti hann fundi með öðrum bæjarfulltrúum. Í bæði skiptin greindu Eyjafréttir frá því að hann hefði verið eini þingmaðurinn sem heimsótti Vestmannaeyjar í viðkomandi kjördæmaviku.

Það er því einfaldlega rangt að halda því fram að samgöngur hafi stöðvað þingmann Miðflokksins. Þvert á móti hefur hann mætt þegar aðrir hafa ekki látið sjá sig.

Vestmannaeyingar eiga rétt á samtali við sína kjörnu fulltrúa. Það samtal á ekki að ráðast af því hvort siglt sé í Landeyjahöfn eða Þorlákshöfn. Aðstæður hér eru hluti af veruleika kjördæmisins og sá veruleiki á að endurspeglast í heimsóknum þingmanna.

Samgöngur hafa ekki stoppað Miðflokkinn og munu ekki gera það.

Heimildir:
https://eyjafrettir.is/kjordaemavikan-einn-thingmadur-maetti/
https://eyjafrettir.is/fjallid-taldi-ekki-eftir-ser-ad-leita-thingmenn-uppi/

Jón Þór Guðjónsson
Frambjóðandi á lista Miðflokksins í Vestmannaeyjum