Bæjarráð Vestmannaeyja hefur samþykkt viðauka við fjárhagsáætlun ársins 2025 vegna reksturs Náttúrustofu Suðurlands. Viðaukinn hljóðar upp á 5.399.000 krónur.

Í breytingunni felst að framlag Vestmannaeyjabæjar til stofunnar lækkar um samtals 799 þúsund krónur. Jafnframt eru heimiluð kaup á tækjabúnaði að fjárhæð 4,6 milljónir króna umfram gildandi fjárhagsáætlun. Fram kemur að viðaukinn verði fjármagnaður með handbæru fé Náttúrustofu. Málið var lagt fram sem viðauki 10 við fjárhagsáætlun 2025 og var samþykkt samhljóða á fundi bæjarráðs.