Settu upp vindpoka í Herjólfsdal

Nýlega var settur upp vindpoki í Herjólfsdal, svæðið nýtur mikilla vinsælda hjá göngu og útivistarfólki. Það er Arnar Richardsson sem á frumkvæði af þessu skemmtilega framtaki. Arnar rekur hér fyrir okkur forsögu málsins. “Það var dag einn í nóvember veðurblíðunni sem ég var að hjóla inn í Herjólfsdal og hitti þar fyrir hjónin Sigurfinn Sigurfinnsson og Þorbjörgu Júlíusdóttur sem voru þar í sinni daglegu heilsubótargöngu. Í spjalli spurði Finnsi mig hvort það væri mikið mál að fá vindpoka eins og eru við flugvöllinn, göngu kallarnir höfðu verið að spjalla um það hvort það væri ekki sniðugt að vera með vindpoka í dalnum. Ég hélt nú að það væri ekki mikið mál og sagðist ég myndi skoða það.  Mig rámaði nefnilega í  að hafa séð innslag í Landanum frá saumastofu á Vopnafirði sem hafi verið að gera þessa vindpoka. Það passaði og fann ég upplýsingar á netinu um Jónsver ses saumamiðstöð sem er lítið sameignarfélag í eigu Sjálfsbjargar, félags fatlaðra og félags eldri borgara á Vopnafirði. Ég pantaði einn poka og var hann kominn hingað til Vestmannaeyja 5 dögum seinna. Þá hófust pælingar um staðsetningu fyrir pokann, ég fékk Guðjón Pálsson með mér í lið þar sem ég vissi að hann hefði góð sambönd varðandi Vatnspóstinn í dalnum. En þess má geta að Jarlinn á vatnspóstinum (Palli í Mörk) er einmitt faðir Guðjóns. Þegar samþykki Palla lá fyrir þá ákváðum við að byrja með pokann þar og kemur hann bara nokkuð vel út þar.”

Arnar og Guðjón með pokann í bakgrunni

Nýjustu fréttir

Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Stjórnmál
Jón Þór leiðir lista Miðflokksins – Sæunn er bæjarstjóraefnið
Herjólfur
Fyrri ferð föstudags felld niður
Íþróttir
Elliði Snær markahæstur gegn Svíum
Fréttir
Laxey á Seafood Expo North America
Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.