„Að lokinni kjördæmaviku mun ég efna til fögnuðar í Hveragerði ásamt þingmönnum kjördæmisins þar sem við Sjálfstæðismenn og vinir munum koma saman og þétta raðirnar. Viðburðurinn verður laugardaginn 5. október á milli klukkan 14:00-16:00 í Skyrgerðinni og boðið verður upp á léttar veigar,“ segir Guðrún Hafsteinsdóttir, dómsmálaráðherra og oddviti Sjálfstæðisflokksins í Suðurkjördæmi í pósti til flokkssystkina í dag.

Ekki skal gert lítið úr rausnarskap ráðherrans eða efast um gestrisni hennar en hefur einhver í Eyjum heyrt af þessari kjördæmaviku eða rekist á þingmenn kjördæmisins á götum bæjarins þessa vikuna? Ég bara spyr, því stundum hafa þingmenn skautað fram hjá Eyjum í kjördæmaviku í skjóli þess að ekki er fært í Landeyjahöfn. Nú er siglt upp á hvern einasta dag í Landeyjahöfn og skautunin algjör því eftir því sem næst verður komist hefur enginn tíu þingmanna kjördæmisins látið sjá sig.

Ómar Garðarsson.

Þeir eru: