Skráning er hafin í fyrsta snókermót vetrarins en það er hið árlega Karl Kristmanns mót. Um er að ræða einstaklings forgjafarmót og eru veitt verðlaun fyrir þrjú efstu sætin. Það er tómstundaráð Kiwanis klúbbsins Helgafell sem stendur fyrir mótinu í samstarfi við Karl Kristmanns.

Á Facebook er hópur sem heitir Klúbbasnóker í Eyjum. Snókerunnendur eru hvattir til að sækja þar um aðgang, enda verður nóg um að vera í vetur. Þar er hægt að skrá sig í mótið en einnig má hafa samband við Daníel Geir Moritz eða Sigurð Sveinsson, oft kenndur við Olís.

Allir eru velkomnir í mótið og er þátttökugjald 3.000 kr. Skráningu lýkur kl. 16.00 á mánudag.

Snókerkveðja,
Tómstundaráð Helgafells