Íslensku dívurnar, Margrét Eir, Eivør, Hera Björk og Dísella ásamt tenórunum Garðari Thor Cortes og Jóhanni Friðgeir munu færa okkur jólin með Frostrósum í ár. Með þeim verða góðir gestir, þau Edgar Smári og Guðrún Árný. Þeim til fulltingis verður Stórhljómsveit Frostrósa, Karlakórinn Fóstbræður, Skólakór Kársness, Stúlknakór Reykjavíkur og Íslenski gospelkórinn. Tónlistarstjóri er Karl O. Olgeirsson og stjórnandi hljómsveitar Árni Harðarson.