Heil umferð fer fram í Olís deild kvenna í dag. Um er að ræða 5. umferð Íslandsmótsins. Í Eyjum verður háður Suðurlandsslagur þegar lið Selfoss kemur í heimsókn. ÍBV um miðja deild með 5 stig á meðan Selfoss er með 2 stig í næst neðsta sæti.

Leikurinn er svokallaður bleikur leikur til styrktar Krabbavörn Vestmannaeyja. Í tilkynningu frá handknattleiksdeild ÍBV segir að Kraftur & Heimaey verði með varning til sölu & Tranbergs bakarí selur bleikar möffins til styrktar Krabbavörn. „Allur ágóði af miðasölu rennur óskiptur til Krabbavarnar Vestmannaeyja. Mætum vel í húsið, styðjum stelpurnar okkar til sigurs og í leiðinni gott málefni!”

Leikir dagsins:

lau. 12. okt. 24	13:30	5	Skógarsel	ÁRM/ÞHA/GEG	ÍR – Fram
lau. 12. okt. 24	14:00	5	Hertz höllin	APÁ/HAÐ/VÓM	Grótta – Stjarnan
lau. 12. okt. 24	14:00	5	Íþróttamiðstöð Vestmannaeyja	JEL/ÓÖJ/SIÓ	ÍBV – Selfoss
lau. 12. okt. 24	14:15	5	N1 höllin	RMI/MJÓ/KHA	Valur – Haukar