Ágætu bæjarbúar. Okkur er sönn ánægja að bjóða ykkur á sýningu lokaverkefna 10. bekkinga. Þetta segir í frétt á vefsíðu Grunnskólans í Vestmannaeyjum – grv.is. Þar segir ennfremur að nemendur hafi unnið hörðum höndum að áhugasviðstengdum verkefnum sl. vikur. Sýningin verður á sérstökum sýningarbásum í sal Barnaskólans mánudaginn 2. júní klukkan 17:30-18:30.

Verkefnin eru mjög fjölbreytt þar sem hver hópur hefur útbúið sinn eigin sýningarbás. Gestir fá tækifæri til að ræða við nemendur um verkefnin þeirra og kynnast þeim hugmyndum og lærdómi sem býr að baki hverju verkefni.

Eins og fyrr segir endurspegla verkefnin áhugasvið nemenda og sýna þá fjölbreyttu hæfileika sem búa í útskriftarhópnum okkar.

Við hlökkum til að sjá ykkur.