Mennta- og menningarmálaráðherra hefur úthlutað fimmtíu milljónum kr. til félaga sem sem standa fyrir skipulögðu starfi fyrir börn og ungmenni. Ráðstöfun þessi er til samræmis við þingsályktun um sérstakt tímabundið fjárfestingarátak til að vinna gegn samdrætti í hagkerfinu í kjölfar COVID-19. Taflfélag Vestmannaeyja var meðal þeirra sem fengu styrk og hlutu 300.000 krónur. Styrkir eru veittir vegna tekjutaps þar sem hætt hefur verið við viðburði, mót eða félög hafa þurft að skerða starfsemi vegna samkomubanns. Einnig eru veittir styrkir til átaksverkefna sem styðja við fjölbreytta starfsemi á sviði æskulýðsmála með áherslu á ný verkefni.

„Ungt fólk blómstrar í fjölbreyttu æskulýðsstarfi um land allt og þar fást ungmenni við spennandi og lærdómsrík verkefni. Æskulýðsstarf hefur ótvírætt forvarna- og menntunargildi og það er markmið okkar að tryggja jöfn tækifæri barna og ungmenna til þátttöku að slíku starfi. Ég bind vonir við að þessi viðbótarstuðningur sem við veitum inn í starfsemi æskulýðsfélaga nú muni gera þeim kleift að efla sitt mikilvæga starf á þessum krefjandi tímum,“ segir Lilja Alfreðsdóttir mennta- og menningarmálaráðherra.

Styrkirnir skiptast svo:
Styrkir vegna starfsemi félaga

Styrkir vegna nýrra verkefna