Árleg uppskeruhátíð vetrarstarfsins í Landakirkju var haldin í gær. Eins og endranær var mikið um að vera þegar safnaðarstarfið sameinast í eina Guðsþjónustu. Kór Landakirkju söng undir stjórn Kitty Kovács, sunnudagaskólinn var á sínum stað, Kirkjustarf fatlaðra söng með messugestum og einnig komu góðir gestir úr Kór Fella- og Hólakirkju og sungu nokkur lög.

Að lokinni Guðsþjónustu voru grillaðar pulsur líkt og vanalega og leiðtogar í leiðtogastarfi Landakirkju sáu um leiki og fjör fyrir yngri kynslóðina.