Blikur á lofti - Eyjafréttir

Eyjafréttir
·
Almennt
·
9. október 2007

Blikur á lofti

Um fátt hefur verið meira rætt um í þjófélaginu heldur en uppákomuna í orkumálum Reykjavíkurborgar og deilurnar innan meirihlutans. Auðvitað er tekist á um það hvort opinbert fyrirtæki í eigu sveitarfélags eigi að taka þátt í áhætturekstri á erlendri grundu eða eigi eingöngu að sinna hluverki gagnvart þjónustu við íbúa sína.Það kom greinilega fram hjá Illuga Gunnarssyni, alþingismanni Sjálfstæðisflokksins að hann telur það alrangt að sveitarfélög séu að blanda sér í þátttöku á almenna markaðnum, slíkt samkrull fari ekki saman. það eru allt önnur lögmál sem gilda í opinberum rekstri heldur en á almenna markaðanum. Hraðinn og pukrið í kringum þetta vakti óneitanlega upp ýmsar spurningar.

Sveitarfélög geta ekkil leyft sér að taka þátt í áhætturekstri eða braski með hlutabréf. Dæmin sanna að sveitarfélag á landsbyggðinni sem reyndi slíkt fór ekki vel útúr þeim viðskiptum.

Ég hef alltaf dáðst að þeirri framsýni sem framámenn sveitarstjórnarmála á Suðurnesjum sýndu á sínum tíma með stofnun Hitaveitu Suðurnesja. Þetta fyrirtæki stóð vörð um lágt orkuverð til neytenda sinna jafnframt því að fyrirtækið náði að eflast og strkjast og verða að miklum veðmætum.

Ég held að sveitarstjórnarmenn nú hafi ekki séð hættuna með sölu bréfanna til einkaaðila, hlutur rtíkisins fer að mestu til einkaaðila og nú getur stefnt í það að hlutur Orkuveitu Reykjavíkur lendi líka hjá einkaaðilum. Það gæti orðið ansi varasamt ef einkaaðilar ná meirihluta í Hitaveitu Suðurnesja. Hvernig verður þá hægt að tryggja áfram lágt orkuverð? Krafa hluthafanna verður að skila sem mestum arði og það markmið næst best með því að hækka orkuna. Einhvern veginn læðist að manni sá grunur að þetta sé úthugsuð flétta hjá harðsvírugum bisnessmönnum til að ná einnig undir sig orkunni því flest annað í þjóðfélaginu eiga þeir nú þegar.

Stjórnvöld hljóta að þurfa að taka þessi mál til alvarlegrar athugunar á næstunni. Alþingi hefði átt að vera búið að marka leikreglurnar því það verður erfitt að snúa hjólinu til baka. Er það rétt að auðmenn landsins geti eignast orkufyrirtækin og ráðið verðlagningu á hita og rafmagni til okkar venjulegra notanda. Ég held að flestir hræðist það.

Það er allt annað mál hvort einkaaðilar standa í útrásinni og kaupa þekkingu af orkufyrirtækjum í eigu sveitarfélaga eða ríkis. Á því er verulegur og grundvallarmunur. Það hlýtur að þurfa að setja lög sem marka um þetta skýran ramma.

Sigurður Jónsson

Nýjustu fréttir

Stjórnmál

Íris ætlar að ganga í Sjálfstæðisflokkinn

Íþróttir

Arnór með fimm mörk í jafntefli Karlskrona

Stjórnmál

Rannveig Ísfjörð sækist eftir 4. sæti í prófkjöri Sjálfstæðisflokksins

Sjávarútvegur

Systurskipin landa fullfermi

Áhugavert

Golfvöllurinn í Eyjum tilnefndur til alþjóðlegra verðlauna

Stjórnmál

Aníta sækist eftir 2. sæti í prófkjöri Sjálfstæðisflokksins

Stjórnmál

Enginn úr núverandi meirihluta gefur kost á sér áfram

Fréttir

Síðasti séns! Taktu þátt í að móta menningarstefnu Vestmannaeyja

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki