Bragðdaufur leikur eyjamanna sem spiluðu í dag við HK sem sigraði með 34 mörkum gegn 28 mörkum eyjamanna.

Leikurinn var allur í lama sessi enda sást það að það vantaði 3 lykil menn í liðið og var það hlutverk ÍBV að vera undir í leiknum allan tíman en mest var það 10 marka munur en minnst 4 mörk.

Ekki er hægt að segja að þetta hafi verið góður leikur enda misstu eyjamenn oftar boltann en þeir náðu að setja mörkin ásamt því að klúðra sendingum á milli manna ef þetta á að vera spilið sem stuðningsmenn eiga að vænta í vetur þá er hægt að bóka það að ÍBV muni spila í 1 deild í handboltanum líka að ári. 

Dómarar leiksins fá heldur ekki góða einkunn úr þessum leik því að þeir voru að klúðra hlutum aftur og aftur fyrir báðum liðum en kannski það skemmtilegasta sem gerðist í leiknum var þegar leikurinn var stöðvaður þegar rúmlega 15 mín voru eftir að seini hálfleik en þá uppgötvaðist að húsið væri að leka og dómarar voru með mikla reikistefnu um málið og skildu svo eftir sig tusku á gólfinu.
Næstu helgi verða eyjamenn að spila við Valsmenn á hlíðarenda og verður liðið að hysja upp um sig buxurnar og vinna þann leik.

Útsending sem átti að vera í dag frá leiknum tókst ekki vegna bilunar í netinu í íþróttarhúsinu en vonandi verður það komið í lag í næsta heimaleik.

www.ibvfan.is