Síðastliðinn miðvikudag var haldinn fundur hjá Fjölskyldurráði Vestmannaeyjabæjar. Á þeim fundi kom fram að nýlega barst Dvalarheimilinu Hraunbúðum vegleg gjöf. En það var Guðný Ragnheiður Hjartardóttir fædd árið 1931 sem lést 6.ágúst sl. sem arfleiddi dvalarheimilið að fasteign sinni að Espigerði 4 Rvk.

Fjölskylduráð hefur ákveðið að skipa nefnd sem í sitja hjúkrunarforstjóri Hraunbúða, einn frá heimilisfólki Hraunbúða, einn starfsmaður Hraunbúða og formaður og varaformaður Fjölskylduráðs. Skal nefndin koma með hugmyndir að því hvernig féð geti nýst sem best til að bæta aðbúnað heimilisfólks.

Einnig var lagt fram á fundinum mánaðarlegt yfirlit Barnarverndarstofu vegna barnaverndartilkynninga. Í október bárust 37 tilkynningar vegna 23 barna. Tilkynningar vegna vanrækslu voru 16, vegna ofbeldis 6 og vegna áhættuhegðunar barns 15 talsins.