Bruninn í húsi Fiskiðjunnar í Vestmannaeyjum aðfaranótt föstudagsins var sá fjórtándi á síðustu sjö árum þar sem grunur leikur á íkveikju. Fjögur ungmenni voru handtekin í kjölfar brunans í Fiskiðjunni og færð til yfirheyrslu grunuð um að hafa kveikt í húsinu. Yfirheyrslurnar leiddu til handtöku karlmanns sem talinn er hafa verið síðastur út úr húsinu. Hann situr í gæsluvarðhaldi þar til klukkan fjögur í dag.

Í DV í dag er sagt frá því að unglingarnir hafi haft aðstöðu til að æfa sig á hljóðfæri í húsinu, en til stóð að loka aðstöðunni á næstu dögum þar sem þeir voru uppvísir af áfengis- og vímuefnaneyslu þar.