Síðastliðin ár hefur oft komið upp umræða um bann við bekkjabílum á Þjóðhátíð. Bekkjabílar eru víst á gráu svæði er kemur að lagabókstafnum. En það sem bílar þessir hafa haft með sér í gegnum tíðina er mjög lá slysatíðni. Hvíslað er um bæinn að ekki muni menn eftir slysi tengt bekkjabílunum síðustu ár.

Síðan eru það allar hinar ástæðurnar sem hafa ber í huga. Eins og hefðin, en bekkjabílar hafa fylgt Þjóðhátíð í 85 ár. Börnin bíða eftir því í 300 daga á ári eftir að komast rúnt með bekkjabíl. Nú þurfa þau ekki að bíða lengur. Þessi góða hefð hefur verið aflögð.

Í fréttatilkynningu frá þjóðhátíðarnefnd og lögreglstjóra kom fram að embætti Lögreglustjóra og Þjóðhátíðarnefnd ákváðu snemma árs að reyna að finna lausn á samgöngum innanbæjar.

Hefði ekki verið nær að tíminn hefði verið nýttur til að þrýsta á kjörna fulltrúa um að ná þessari reglugerð út fyrir sviga?

Og hvað með aðrar hátíðir líkt og Gleðigönguna, þar sem fólk stendur á háum hælum á vörubílapöllum um alla Reykjavík?
Það virðist í lagi!

Spurning er af hverju var þetta blásið af núna? Ekki er það vegna þess að það varð slys. Ekki er það vegna nýrra reglugerða. Hvað breyttist?