Á sunnudaginn birti Eyjar.net svar Innanríkisráðuneytisins við opnu bréfi til ráðherra. Óhætt er að segja að svarið sé vonbrigði þar sem ekki er leitast við að svara spurningunum sem settar voru fram í bréfinu.

Settar voru fram fimm afmarkaðar spurningar er snúa að Landeyjahöfn og framtíðarferju til að þjóna Vestmannaeyjum. Í stað þess að svara þessum spurningum er sett á blað söguskýring sem ég ætla nú að fara yfir.

Í upphafi svarsins segir:

Ástæða þess að undirritaður skrifar opið bréf til ráðherra er að traustið og svör embættismanna og undirstofnana ráðuneytis er nánast farið er kemur að málefnum Landeyjahafnar. Því er nauðsynlegt að benda ráðherra á brotalamir er kemur að höfninni. Hana þarf að laga svo hún verði fær skipum.

Síðan segir:

Ekki hefur Eyjar.net fengið lista yfir þá skipstjórnarmenn né verkfræðinga sem vísað er í, þrátt fyrir ítrekaða beiðni þar um. Í mínum huga hljóta færustu fáanlegu skipstjórnarmenn að vera þeir sem hafa reynslu á að sigla í umrædda höfn. Þeir hinsvegar sameinuðust um að skrifa undir áskorun til innanríkisráðherra þar sem óskað er eftir hennar áheyrn. Því er mikilvægt að fá fram hverjir eru færari en þeir í að meta aðstæður og hvort nýhönnuð ferja muni minnka frátafirnar verulega, líkt og haldið hefur verið fram af embættismönnum ríkisins.

En aftur að svarinu:

Undirritaður var ekki að biðja ráðuneytið um söguskýringu enda ágætlega að sér í samgöngusögu Vestmannaeyja eftir tæplega 40 ára búsetu á staðnum. Með bréfi til ráðherra var leitast við að benda á það sem þarf að gera og í þeirri röð sem mikilvægast er. Á meðan höfnin er ekki löguð þá verður Þorlákshöfn alltaf notuð hluta úr ári. Þá verður ekki um að ræða neinar skemmtisiglingar á ferjunni sem búið er að hanna með nokkrum klefum efst í skipinu þar sem svefnrými verður fyrir rúmlega 30 manns.

Lítið um þetta að segja annað en að ef á að smíða nýtt skip áður en höfnin er löguð – þá verður það að virka í Þorlákshöfn líka. Það er lykilatriði.

Athyglisvert í þessum kafla er orðalagið „stefna á heilsárs siglingar þangað“. Af þessu tilefni má benda á minnisblað sem lagt var fram í bæjarstjórn í desember 2014 – þar sem segir:

„Frátafir – Viðmið bæjarfulltrúa hafa verið að ekki sé ásættanlegt að fjöldi þeirra daga sem ferðir í Landeyjahöfn falli alveg niður séu fleiri en 10.”

En aftur að svari ráðuneytisins:

Þarna er vert að benda aftur á skipstjórnana sem notað hafa Landeyjahöfn og virðast ekki fá áheyrn ráðamanna. Steinar Magnússon er þeirra reynslumestur og hann hefur sem betur fer tjáð sig opinberilega um nýhannaða ferju. Hann segir:

Einnig segir Steinar er hann er spurður:

Ég verð að segja að það er stórundarlegt að ekki sé hægt að hlusta á mennina sem koma til með að taka ákvarðanir um siglingar milli lands og Eyja. Það veikir mjög málstað þeirra sem eru að reyna að sannfæra okkur um að nýhönnuð ferja muni minnka frátafirnar verulega í Landeyjahöfn.

En aftur að svarinu, í niðurlaginu segir:

Þarna er vert að benda á loðið orðalag „og vonandi ná markmiðinu um að það heyri til undantekninga að sigla þurfi til Þorlákshafnar“.

Svo segir „Hve miklar frátafirnar verða, verður breytilegt milli ára, fer eftir veðurfari og dýpi við höfnina og kemur ekki endanlega í ljós fyrr en ferjan er komin í notkun.“

Þessi setning er grafalvarleg. Það á semsagt að verja 5 þúsund milljónum í að smíða nýja ferju og svo kemur í ljós hve miklar frátafirnar verða. Mjög traust!

Lokaorð

Svar ráðuneytisns fékk undirritaður sent á Þorláksmessu. Þrátt fyrir ítrekaðar tilraunir til að fá svör við hvaða nafn á að setja undir gekk það ekki. Í raun tel ég að þetta svar veki upp frekari spurningar enn það svarar. Einnig er dapurt til þess að vita að enginn innan ráðuneytisins vili gangast við því að setja þetta á blað. Kannski er það vegna þess að ekki er gerð tilraun til að svara spurningunum nema að litlu leiti. Eyjar.net kannaði traust bæjarbúa á m.a Innanríkisráðuneytið fyrir ári síðan. Þá mældist traustið á ráðuneytið vegna ákvarðana um framtíðarskipulag sjósamgangna milli lands og Eyja þannig að 10,1 % báru frekar eða mjög mikið traust á ráðuneytið. Ekki á ég von á að traustið sé að aukast miðað við mína reynslu síðustu vikur á samskiptum við starfsmenn ráðuneytisins.

Það sem að ég held að flestir óttist er að ef þessi ferja virkar ekki í Landeyjahöfn – verðum við í mun verri málum þegar Landeyjahöfn lokast. Vonandi er sá ótti ástæðulaus.

Tryggvi Már Sæmundsson