Með þessum fátæklegu orðum kveð ég vin minn og náinn samstarfsmann til margra ára. 

Kveðjustundin er mér lærdómsrík og sérstaklega sár í ljósi þess að Bragi var að ljúka störfum og við átti að taka notalegt ævikvöld eftir stranga starfsævi, þegar á hann ræðst illvígur sjúkdómur sem sigrar á endanum félaga minn. Baráttumann sem gat sannarlega staðið fastur fyrir.

Við erum illilega minnt á það að lífið er núna. Þau orð eru ekki klisja. Guð einn veit hver er næstur.

Vinur minn. Far þú í friði, friður Guðs þig blessi.

Sigþóra mín, þér og fjölskyldu þinni óska ég blessunar og birtu. Skarð er höggið.

Páll Scheving Ingvarsson