„Herjólfur flutti í apríl 28.491 farþega og fyrstu fjóra mánuði árins hafa verið fluttir 67.335 farþegar.“ segir Hörður Orri Grettisson, framkvæmdastjóri Herjólfs er hann var spurður um farþegaflutninga Herrjólfs í ár.

Hann segir að farþegafjöldinn í fyrra á sama tímabili hafi verið sambærilegur eða 66.810 farþegar.

„Siglingar til Landeyjahafnar gengu vel í apríl og var ein ferð sigld til Þorlákshafnar á móti átta ferðum árið áður.“

Góðar fyrirframbókanir

„Núna erum við að undirbúa okkur fyrir sumartraffíkina og erum bjartsýn á mikla flutninga í sumar og eru fyrirframbókanir góðar.

Til reynslu ætlum við að sigla átta ferðir frá 1. júlí til 11. ágúst. Síðustu tvö sumur hafa kennt okkur að miklir flutningar eru á þessum tíma og viljum við auka þjónustuna og koma til móts við það með auknu framboði ferða og verður áhugavert að sjá hvernig það mun koma út.“ segir Hörður Orri.

https://eyjar.net/atta-ferdir-a-dag-fra-og-med-1-juli/

https://eyjar.net/yfir-430-000-med-herjolfi-i-fyrra/