Í leikhléi í leik ÍBV og HK á laugardag undirrituðu fulltrúar Ölgerðarinnar og ÍBV-íþróttafélags nýjan 5. ára samstarfssamning. Ölgerðin og ÍBV hafa starfað saman í tæpa tvo áratugi og er þessi undirritun ÍBV mikils virði.
Ölgerðin er stærsti styrktaraðili félagsins og var það vilji beggja að framlengja samninginn. Ölgerðin mun styrkja almenna uppbyggingu ÍBV á íþrótta og æskulýðsstarfi í Vestmannaeyjum sem og hafa með sér náið samstarf á öðrum sviðum í tengslum við uppákomur á vegum ÍBV. Ölgerðin mun áfram vera aðal kostandi Þjóðhátíðar í Eyjum.
Einnig er söluaukning á vörum Ölgerðarinnar í Eyjum okkur mikilvæg, því þar sést best hvernig Eyjamenn virða það hverjir styrkja félagið sem við viljum öll svo vel.

Ölgerðin er eitt stærsta og öflugasta fyrirtæki landsins og ÍBV er eitt öflugasta íþróttafélag landsins og fer því vel á þessu samstarfi.

Það voru Þór Vilhjámsson formaður ÍBV-íþróttafélags sem skrifaði undir fyrir hönd ÍBV og Valur Valsson framkvæmdastjóri markaðs og sölusviðs sem undirritaði samninginn fyrir hönd Ölgerðarinnar.