Mikilvægt að auka sjúkraflutninga með þyrlum

Mik­il­vægt er að auka eins og kost­ur er sjúkra­flutn­inga með þyrl­um, bæði vegna breyt­inga á heil­brigðisþjón­ustu stofn­ana, ekki síst í Vest­manna­eyj­um, en einnig vegna mik­ill­ar fjölg­un­ar ferðamanna, á og utan al­fara­leiða. Þá er mik­il­vægt að skil­greina sjúkra­flug með þyrl­um sem heil­brigðisþjón­ustu og því beri að manna áhafn­ir þeirra í sam­ræmi við það. Einnig er mik­il­vægt að viðbragðstími sjúkraþyrlu sé ávallt sem styst­ur. Þetta eru niður­stöður starfs­hóps sem Svandís Svavars­dótt­ir heil­brigðisráðherra skipaði til að skoða mögu­leika á auk­inni aðkomu þyrlna að sjúkra­flugi.

Hóp­ur­inn skoðaði tvær leiðir í þessu skyni; ann­ars veg­ar með auk­inni aðkomu Land­helg­is­gæslu Íslands, sem m.a. myndi reka sér­staka sjúkraþyrlu, og hins veg­ar með rekstri sjúkraþyrlu sem rek­in væri af öðrum en Land­helg­is­gæsl­unni.

Þrátt fyr­ir sam­eig­in­leg­ar áhersl­ur voru full­trú­ar í starfs­hópn­um ekki á einu máli um leiðir að mark­miðinu. Fimm af sjö full­trú­um hóps­ins leggja til að viðbragð Land­helg­is­gæsl­unn­ar verði styrkt með fleiri áhöfn­um svo unnt verði að koma á staðar­vökt­um, þ.e. með áhöfn sem er í viðbragðsstöðu þar sem viðkom­andi þyrla á bækistöð. Tveir full­trú­ar starfs­hóps­ins leggja hins veg­ar til rekst­ur sér­stakr­ar sjúkraþyrlu með sér­hæfðum mann­skap og að rekst­ur­inn verði ekki á hendi Land­helg­is­gæsl­unn­ar.

Starfs­hóp­ur­inn seg­ir í skýrslu sinni að þörf­in fyr­ir sjúkra­flutn­inga með þyrl­um muni fara vax­andi hér á landi. Helstu ástæðurn­ar fyr­ir því eru vax­andi sér­hæf­ing í meðferð bráðra veik­inda og slysa, minnk­andi geta heil­brigðis­stofn­ana í dreif­býli til að sinna bráðaþjón­ustu, al­menn aukn­ing sjúkra­flutn­inga og ekki síst mik­il fjölg­un al­var­legra slysa. Til marks um aukn­ingu sjúkra­flutn­inga jókst um­fang þeirra á ár­un­um 2014-2017 um 37% þar sem mest var, þ.e. á Suður­landi, Suður­nesj­um og á Ak­ur­eyri.

Ráðherra mun fela sér­fræðing­um ráðuneyt­is­ins að leggja mat á efni skýrsl­unn­ar og til­lög­urn­ar sem þar koma fram og ákveða næstu skref í fram­haldi af því.

Starfs­hóp­inn skipuðu:
Elsa B. Friðfinns­dótt­ir, sér­fræðing­ur í vel­ferðarráðuneyt­inu, formaður
Hjört­ur Kristjáns­son, fram­kvæmda­stjóri lækn­inga á Heil­brigðis­stofn­un Suður­lands
Ólaf­ur Gunn­ars­son, sér­fræðing­ur í vel­ferðarráðuneyt­inu
Sig­urður Ein­ar Sig­urðsson, til­nefnd­ur af Sjúkra­trygg­ing­um Íslands
Inga Þórey Óskars­dótt­ir, til­nefnd af dóms­málaráðuneyt­inu
Sandra M. Sig­ur­jóns­dótt­ir, til­nefnd af Land­helg­is­gæslu Íslands
Viðar Magnús­son, til­nefnd­ur af fagráði sjúkra­flutn­inga

mbl.is greindi frá

Nýjustu fréttir

Aðsend grein
Fólkið okkar og framtíðin
Íþróttir
ÍBV tapaði heima í einvíginu gegn Haukum
Samgöngur
Óþolandi óvissa með samgöngur til Vestmannaeyja
Fréttir
Fyrirliðinn lék sinn 300. deildarleik
Aðsent
Baldur leysir Herjólf af
Áhugavert
Eyjafréttir standa við „samsuðuna“
Samgöngur
Vonast til að dýpkun hefjist á fimmtudag
Áhugavert
Ung eyjamær sigraði upplestrarkeppnina
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.