Líf og fjör var í Höllinni í Vestmannaeyjum í dag þegar Arsenal-klúbburinn í Eyjum stóð fyrir fjölskyldudegi fyrir stuðningsmenn og aðra gesti.

Yngri kynslóðin lét sig ekki vanta og nutu börnin sín vel í hoppuköstulum á meðan boðið var upp á pylsur og drykki fyrir alla sem mættu. Fjölmargir lögðu leið sína í Höllina til að taka þátt í skemmtuninni og skapaðist sannkölluð fjölskyldustemning.

Viðburðurinn er jafnframt upphitun fyrir stórleik dagsins þegar ensku meistararnir Arsenal mæta Evrópumeisturum PSG í einum af stærstu leikjum ársins. Klukkan 15 opnar húsið fyrir stórleikinn og þar eru í boði sérstök tilboð á drykkjum auk þess sem hamborgarar eru til sölu fyrir gesti. Leikurinn hefst svo klukkan 16.00.

Eyjafréttir birtir hér myndasyrpu frá fjölskyldudeginum þar sem sjá má stemninguna sem ríkti í Höllinni.