45 nemendur útskrifuðust frá FÍV
Útskriftarnemar Framhaldsskólans í Vestmannaeyjum ásamt Helgu Kristínu Kolbeins skólameistara og Thelmu B. Gísladóttur aðstoðarskólameistara að lokinni hátíðlegri útskriftarathöfn í dag. Alls útskrifuðust 45 nemendur frá skólanum. Ljósmynd/Bjarni Sigurðsson

Ritstjórn

frettir@eyjafrettir.is

Skólaslit vorannar Framhaldsskólans í Vestmannaeyjum fóru fram í dag, föstudaginn 29. maí, þar sem 45 nemendur voru útskrifaðir af sex mismunandi brautum. Athöfnin hófst klukkan 13.00 og fór fram að viðstöddum útskriftarnemum, fjölskyldum, starfsfólki skólans og öðrum gestum.

Nemendur útskrifuðust af stúdentsbrautum, húsasmiðabraut, sjúkraliðabraut, iðnmeistaranámi, starfsbraut og viðbótarnámi til stúdentsprófs. Í ræðu skólameistara kom fram að útskriftin væri ekki aðeins staðfesting á loknum áföngum og prófum, heldur einnig á þrautseigju nemenda.

Í yfirliti yfir vorönnina kom fram að önnin hefði verið viðburðarík. Meðal þess sem bar hæst var heimsókn Höllu Tómasdóttur forseta Íslands í skólann, góður árangur nemenda í nýsköpun, myndlistarsýning nemenda og öflugt félagslíf. Þá var sérstaklega nefnt að skólinn væri orðinn þétt setinn og að mikill áhugi væri á námi við FÍV.

Nokkrir nemendur hlutu viðurkenningar við athöfnina. Hrafnhildur Hallgrímsdóttir hlaut meðal annars Menntaverðlaun Háskóla Íslands, Raungreinaverðlaun Háskólans í Reykjavík og viðurkenningu skólans fyrir mjög góðan heildarárangur í námi, 9,0. Alexandra Ósk Viktorsdóttir og Erna Sólveig Davíðsdóttir hlutu einnig viðurkenningu fyrir mjög góðan heildarárangur, báðar með 8,6.

Skólameistari minnti útskriftarnema á mikilvægi þess að taka þátt í samfélaginu, hlusta, spyrja góðra spurninga og sjá fólkið í kringum sig. Þá kom fram að útskriftarárgangurinn frá 1986, sem nú fagnar 40 árum frá útskrift, hefði sent útskriftarnemendum dagsins hlýjar kveðjur.

Að lokinni athöfn var stillt upp til myndatöku.

Útskriftarnemar vorið 2026

Eftirtaldir nemendur voru útskrifaðir frá Framhaldsskólanum í Vestmannaeyjum við skólaslit vorannar 2026:

Stúdentsbraut – náttúruvísindalína

  • Ásdís Halla Hjarðar
  • Birna Dís Sigurðardóttir
  • Birna María Unnarsdóttir
  • Erna Sólveig Davíðsdóttir
  • Guðjón Emil Ómarsson
  • Hrafnhildur Hallgrímsdóttir
  • Lordiar Emefa Akosua Adzaho
  • Ólafur Már Haraldsson

Stúdentsbraut – félagsvísindalína

  • Alexandra Ósk Viktorsdóttir
  • Emilíana Erla Ágústsdóttir
  • Eva Magnúsdóttir
  • Rebekka Rut Rúnarsdóttir

Stúdentsbraut – opin lína

  • Alexander Örn Friðriksson
  • Elís Þór Aðalsteinsson
  • Selma Rós Buelow Rafnsdóttir
  • Viggó Valgeirsson
  • Þorgerður Katrín Adolfsdóttir

Sjúkraliðabraut

  • Inga Lára Pétursdóttir
  • María S. Sigurbjörnsdóttir

Húsasmiðabraut

  • Ailandas Baurinas
  • Aron Stefánsson
  • Ágúst Sævar Einarsson
  • Birgir Nielsen Þórsson
  • Óskar Elías Sigurðsson

Iðnmeistaranám

  • Ailandas Baurinas
  • Anton Már Óðinsson
  • Garðar Heiðar Eyjólfsson
  • Guðmundur Jón Magnússon
  • Jón Helgi Sveinsson

Ekki viðstaddir athöfn

  • Andri Kristinsson – Iðnmeistaranám
  • Anna Fríða Káradóttir – Starfsbraut
  • Ágúst Guðmann Úlfarsson – Iðnmeistaranám
  • Claes Olov Engelbrektsson – Húsasmiðabraut
  • Dovidas Norkus – Húsasmiðabraut
  • Elís Eduardo Magnason – Iðnmeistaranám
  • Felix Örn Friðriksson – Húsasmiðabraut
  • Gabríel Þór Vestmann Gunnarsson – Iðnmeistaranám
  • Gauti Þorvarðarson – Iðnmeistaranám
  • Gunnar Rafn Ágústsson – Húsasmiðabraut og iðnmeistaranám
  • Gunnar Þór Guðjónsson – Iðnmeistaranám
  • Jökull Orri Gylfason – Viðbótarnám til stúdentsprófs
  • Konstantinas Zapivalovas – Húsasmiðabraut
  • Rebekka Svava Sigurjónsdóttir – Húsasmiðabraut
  • Sindri Georgsson – Iðnmeistaranám
  • Valur Smári Heimisson – Húsasmiðabraut
  • Þórhallur Orri Steinsson – Iðnmeistaranám
Ljósmynd/Bjarni Sigurðsson

Nýjustu fréttir

Áhugavert
Áfram Noregur í kvöld – Heimisáhrifin virka
Úr blaði Eyjafrétta
Draumurinn orðinn að veruleika
Áhugavert
Einstakt safn Magnúsar vakti forvitni á Goslokahátíð
Myndband
Þrjár vikur í Þjóðhátíð – uppbyggingin hafin í Herjólfsdal
Áhugavert
Sumarlesturinn hefur aldrei farið betur af stað
Skipulagsmál
Áform um þrjú ný einbýlishús við Reglubraut
Aðsend grein
Evrópusambandið, meira en tollabandalag
Áhugavert
50 ár frá opnun sundlaugar Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.