Landeyjahöfn verði heilsárshöfn

Umræða um Landeyjahöfn, dælingar, breytingar á höfninni, og yfirleitt allt sem að henni snýr er eðlilega mikil, sérstaklega í Vestmannaeyjum. Vegna hennar er rétt að benda á nokkur atriði varðandi málið.

Landeyjahöfn verður heilsárshöfn
Vegagerðin vinnur hörðum höndum að því að gera Landeyjahöfn að heilsárshöfn. Ístak er að sprengja grjót, undirbúa byggingu tunna á garðsendum og leggja veg þangað út eftir til að unnt sé að fara með krana og dælubúnað þangað til að dýpka hafnamynnið. Með landdýpkun yfir háveturinn er stefnt að því tryggja dýpið í hafnarmynninu fyrir nýju ferjuna þar. Reynslan hefur sýnt að það er útilokað að halda dýpi í hafnarmynninu með dýpkunarskipi yfir háveturinn. Því ætlar Vegagerðin að leysa það með dýpkun frá landi. Þá er miðað við að dýpkað verði með dýpkunarskipi í um 8 mánuði á ári — sem er mögulegt með skipunum — en í 4 mánuði á ári verður það gert frá landi. Búið er að fjárfesta í dælubúnaði og lögnum til að geta dælt sandi þaðan. Auk þess er ætlunin að breyta innri höfninni með því að þrengja op og stækka innri höfnina til að draga úr hreyfingum innan hennar. Þessu til viðbótar hefur verið óskað eftir samstarfi við Vestmannaeyjahöfn um að Lóðsinn verði nýttur til að jafna dýpið þar sem landdýpkunarbúnaðurinn nær ekki til og vonandi næst það.

Með þessum aðgerðum vonast Vegagerðin til að Landeyjahöfn verði heilsárshöfn, þótt rétt sé að ítreka að einhverjar frátafir munu alltaf verða þótt ekki væri nema vegna sjólags.

Útboðið
Fyrst eftir að Landeyjahöfn var opnuð var reynt að dýpka Landeyjahöfn með dýpkunarskipum yfir háveturinn en það skilaði litlum árangri. Kostnaður varð töluverður við að hafa dýpkunarskip reiðubúið án þess að geta dýpkað og þegar það gat dýpkað náðist sjaldan að tryggja nægjanlegt dýpi fyrir Herjólf. Því var breytt um aðferð og dýpkað í tveimur lotum annars vegar á vorin og hins vegar á haustin. Þess á milli var fengið dýpkunarskip ef þörf og aðstæður sköpuðust til dýpkunar. Þessi aðferðarfræði gaf færi á að fá erlenda dýpkunaraðila að verkinu. Undandfarin ár hefur Jan De Nul séð um dýpkunina en þess á milli hefur Björgun verið fenginn til hlaupa í skarðið eða til að hraða opnun. Kosturinn við þessa aðferð að það er auðveldara að fá tilboð og fá aðra að verkinu ef dýpkunarverktakinn stendur sig ekki.

Dýpkun
Dýpkun Jan De Nul lauk núna um miðjan nóvember. Fyrirtækið var búið að taka jákvætt í að dýpka lengur en hætti við þar sem búið var að selja dýpkunarskipið Galilei og forsvarsmenn fyrirtækisins vildu ekki taka áhættuna af því að komast ekki úr landi með skipið. Í framhaldinu var rætt við Björgun. Þeir voru jákvæðir í byrjun en töldu sig svo ekki geta dýpkað vegna manneklu, annarra verkefna og slipptöku. Það voru viss vonbrigði því þeir hafa oft sýnt liðlegheit og hliðrað til fyrir Landeyjahöfn. Ef þetta endurtekur sig þá verða aðrir fengnir til að dýpka með Björgun.

Vegagerðin

Nýjustu fréttir

Áhugavert
Frábær árangur FÍV – Eyjakonfekt til Tromsø
Íþróttir
Íþróttamaður mánaðarins – Helgi Ólafsson
Aðsent
Baldur á leið til Eyja
Úr blaði Eyjafrétta
Ekki brotna! Fræðsla og forvarnir um beinheilsu
Stjórnmál
Margrét aðstoðar Miðflokkinn
Fréttatilkynning
Herrakvöld fótboltans
Beint
Fundur bæjarstjórnar í beinni
Aðsend grein
Samgöngur og sannindi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.