Á fundi bæjarráðs Vestmannaeyja í síðustu viku var lagt fram fjögurra mánaða rekstraryfirlit fyrir árið 2026.

Fram kemur í fundargerð að heildartekjur samstæðu A og B hluta Vestmannaeyjabæjar hafi verið 8,8% hærri en fjárhagsáætlun gerði ráð fyrir á fyrstu fjórum mánuðum ársins. Á sama tíma var heildarrekstrarkostnaður 1,4% hærri en áætlað hafði verið.

Samkvæmt yfirlitinu er rekstrarafkoma samstæðunnar því betri en gert var ráð fyrir í fjárhagsáætlun. Þá var einnig lagt fram rekstraryfirlit fyrir A-hluta sveitarfélagsins, eða sveitarsjóð. Þar voru heildartekjur fyrstu fjóra mánuði ársins 9,7% hærri en áætlun gerði ráð fyrir en rekstrarkostnaður aðeins 0,3% yfir áætlun.

Afkoma A-hlutans er samkvæmt því mun betri en gert hafði verið ráð fyrir í upphafi árs, segir jafnframt í fundargerðinni.