Loðin svör Orkustofnunar til Eyjamanna
veitur_hs
Mikið hefur verið fjallað um hækkun á húshitunarkostnaði í Vestmannaeyjum undanfarna mánuði enda hækkuðu HS Veitur gjaldskrá sína um 33% á einungis fjórum mánuðum. Eyjar.net/TMS
Orkustofnun leggur áherslu á að byggja upp og miðla þekkingu á fagsviðum stofnunarinnar svo sem á sviðum orku-, auðlinda-, og loftslagsmála. Þannig getur stofnunin stuðlað að upplýstri umræðu og verið leiðandi í opinberri umræðu um þessi málefni. Markmiðið er að auka skilning á orkumálum og skapa traust milli almennings, sérfræðinga, fjölmiðla og stjórnvalda. 

Ofangreindan texta má finna á heimasíðu Orkustofnunar. Þar segir jafnframt að Orkustofnun framtíðarinnar sé framsýn, traust og skilvirk stofnun sem leggur áherslu á fagmennsku, frumkvæði og samvinnu í störfum sínum. 

Ráðherra ákvarðandi stjórnvald í málinu

Eyjar.net sendi stofnuninni spurningar er varða samþykki Orkustofnunar á síðustu hækkunum HS Veitna á heimili í Vestmannaeyjum. 

Í svari frá  Heimi Tryggvasyni, sérfræðingi hitaveitna og beinnar nýtingar jarðhita segir að staðfesting gjaldskrár hitaveitna heyri undir ákvæði orkulaga og er ráðherra umhverfis- orku- og loftslagsráðuneytisins ákvarðandi stjórnvald í málinu. Orkustofnun hefur því vísað þeim hluta fyrirspurnarinnar sem snýr að aðgengi að gögnum er varða gjaldskrárákvarðanir, til viðkomandi ráðuneytis. 

Orkustofnun ekki ákvarðandi stjórnvald 

Af þeim spurningum sem Orkustofnun svaraði var óskað eftir afstöðu Orkustofnunar á því að veitufyrirtæki noti virðisrýrnunarpróf á eignir veitustarfsemi sem veldur hækkun eigin fjár og þar af leiðandi hækkun gjaldskrár.

Endurmat rekstrarfjármuna fyrirtækja vegna reksturs hitaveitu fer eftir almennum bókhaldsreglum. Orkustofnun hefur engar forsendur til að taka sérstaka afstöðu vegna þessa. Að öðru leyti má segja að ekki verði séð að hækkun eiginfjár leiði sjálfkrafa til hækkunar gjaldskrár.

Í kjölfarið var spurt hvaða forsendur þurfi að eiga sér stað til að Orkustofnun hafi afstöðu til þess að taka ákvörðun um að láta kanna forsendur gjaldskrár.

Eins og fram kom í fyrra svari er Orkustofnun ekki ákvarðandi stjórnvald við samþykki gjaldskráa hitaveitna. Forsendur fyrir breytingum á gjaldskrám hitaveitna eru alltaf kannaðar við beiðni um staðfestingu ráðherra á þeim, óháð því hver breytingin er.

Þá var spurt um afstöðu Orkustofnunar til þess að láta óháðan aðila kanna forsendur gjaldskrár HS Veitna í ljósi þess að lítið traust virðist vera meðal bæjarbúa í Vestmannaeyjum til félagsins.  

Orkustofnun hefur ekki forsendur til að taka sérstaka afstöðu til þessarar tillögu.

Eyjar.net hefur nú þegar sent fyrirspurnir vegna málsins í umhverfis- orku- og loftslagsráðuneytið. 

https://eyjar.net/vonbrigdi-hvernig-ibuum-thessa-lands-er-mismunad/

https://eyjar.net/hs-veitur-hafa-haekkad-eigid-fe-handvirkt-um-64-milljarda/

https://eyjar.net/kalda-vatnid-468-dyrara-i-eyjum/

Nýjustu fréttir

Íþróttir
Halldór Jón aftur í ÍBV
Myndband
Fluttu hús í heilu lagi
Sjávarútvegur
Sjáv­ar­af­urð­ir: Ágæt­is aukn­ing í fe­brú­ar
Sjávarútvegur
Eyjarnar landa í Þorlákshöfn
Aðsend grein
Þarftu að fara á fund?
Kynning
Hljómey – Klara Einars mætir
Aðsend grein
Gildin sem móta okkur
Aðsend grein
Til Sjálfstæðismanna
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.