Það verður sannkölluð handboltaveisla í Eyjum í dag. Bæði karla og kvenna lið ÍBV leika þá sínu fyrstu heimaleiki. Stelpurnar hefja leik klukkan 17.30 er þær taka á móti Val. Bæði lið sigruðu leiki sína í fyrstu umferð. Valur rúllaði yfir ÍR á heimavelli á meðan ÍBV vann góðan útisigur á Gróttu.

Strákarnir fylgja svo í kjölfarið, er þeir fá Stjörnuna í heimsókn. Stjarnan Sigraði HK í fyrstu umferð á meðan ÍBV gerði jafntefli við Val á útivelli. Flautað verður til leiks í karlaleiknum klukkan 19.45 í kvöld.

Fram kemur í tilkynningu frá handknattleiksdeild ÍBV að hægt verði að fá pizzur frá Pizza 67 og veigar frá Ölgerðinni milli leikja og þá má benda á að báðir leikirnir verða í beinni á Handboltapassanum.