Átti barn 17. júlí og stefnir á EM
Eyjakonurnar og landsliðskonurnar, Sandra og Díana Dögg á landsliðsæfingu í Eyjum.

Íslenska kvenna­landsliðið í hand­bolta undir stjórn Arnars Péturssonar æfir nú á fullu fyrir Evrópumótið sem fer fram í Aust­ur­ríki, Ung­verjalandi og Sviss í nóv­em­ber og des­em­ber. Er Ísland í riðli með Hollandi, Þýskalandi og Úkraínu og verður leikið í Inns­bruck í Aust­ur­ríki. Ísland mæt­ir Hollandi í fyrsta leikn­um 29. nóv­em­ber, Úkraínu í öðrum leik 1. des­em­ber og Þýskalandi í þriðja leik 3. des­em­ber. Tvö efstu liðin kom­ast áfram í mill­iriðil en hin tvö liðin hafa lokið keppni.

Arnrr náði frábærum árangri með karlalið ÍBV í handbolta.

 

Landsliðið er í æfingaferð í Tékklandi þar sem það leikur þrjá leiki, gegn Póllandi, Tékklandi og  tékknesku félagsliði. „Ég er glaður að fá leiki sem við fáum til að þróa okk­ar leik. Þetta eru mik­il­væg­ir und­ir­bún­ings­leik­ir fyr­ir það sem koma skal í lok nóv­em­ber,“ sagði Arnar við mbl.is í morgun. Hann tók við landsliðinu 2019 og hefur það tekið miklum framförum undir hans stjórn.

Í Morgunblaðinu í dag er viðtal við Eyjakonuna Söndru Erlingsdóttur sem er einn af máttastólpum og fyrirliðum landsliðsins. Spilar hún með Metz­ingen í Þýskalandi. Sandra eignaðist sitt fyrsta barn 17. júlí en stefnir á EM í haust að því er kemur fram í viðtalinu. Og Eyjamaðurinn Arnar vill fá hana í hópinn.  „Ég vona að þetta gangi vel hjá henni áfram. Ég vona inni­lega að þetta gangi upp og hún verði með okk­ur á EM,“ sagði Arn­ar við mbl.is.

 

Nýjustu fréttir

Íþróttir
Allison Clark tryggði ÍBV jafntefli með marki í blálokin
Herjólfur
Staða mála hjá Herjólfi
Íþróttir
Embla Harðardóttir sleit krossband gegn FH
Fréttir
Rannsóknarhola Eyjaganga komin á beinu brautina á ný
Samgöngur
Herjólfur með sjö ferðir til Landeyjahafnar í dag
Íþróttir
Geta Eyjastúlkur haldið pressunni á Breiðablik?
Íþróttir
Díana Dögg og Andrea spila oddaleik um þýska meistaratitilinn
Samgöngur
Herjólfur til Þorlákshafnar
Mest lesið
viðburðir
Sa Portret 02022026 1
27. maí 2026
08:30
Hringferð SA í Akóges-salnum

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.