Einungis örfáir miðar eru eftir á gosloka tónleikana „Úr klassik í popp“ á fimmtudagskvöldinu 3. júli. Vegna mikillar eftirspurnar hefur verið ákeðið að halda aukatónleika föstudaginn 4. júlí kl. 18:00.

Flutt verða sígild popplög sem voru sótt í klassísk verk tónskáldanna Bach, Beethoven, Tchaikovsky, Brahms, Mozart o. fl. o. fl. Lög eins og Whiter Shade of Pale – Procul Harum (Bach), This Night – Billy Joel (Beethoven), Að kvöldi dags – Hljómar (Tchaikovsky), Russians – Sting (Prokofiev) ofl. ofl.

Þeir sem fram koma á þessum einstöku tónleikum eru: Hrafnhildur Helgadóttir, Júlíanna S. Andersen, Júníus Meyvant, Þórarinn Ólason, Magnús R. Einarsson. Þórir Ólafsson og Eggert Jóhannsson.

Miðasala og borðapantanir eru í Eldheimum s. 4882700, segir í tilkynningu frá skipuleggjendum.