Ný flatningsvél tvöfaldaði afköst í saltfiskvinnslunni

Netaveiðar Kap II VE og Brynjólfs VE ganga ljómandi vel á miðum í grennd við Eyjar. Aflinn fer að mestu í salt og hluti hans gæti jafnvel endað sem jólasaltfiskur á borðum í Portúgala í desember! Ný flatningsvél var tekin í gagnið í saltfiskvinnslu VSV í vetur og með henni tvöfölduðust afköstin.

Vinnslustöðin hefur tekið við um 1.100 tonnum af þorski til saltfiskvinnslu frá áramótum, aðallega frá netabátum en hluti aflans var veiddur í troll.

„Við leggjum mikla og vaxandi áherslu á saltfiskinn, ekki síst eftir að Vinnslustöðin keypti saltfiskvinnslufyrirtækið Grupeixe í Portúgal. Þar með erum við orðnir beinir þátttakendur í vinnslu og sölu á þessum mikilvæga markaði,“ segir Sverrir Haraldsson, sviðsstjóri bolfiskvinnslu VSV.

Það er af sem áður var þegar fjöldi báta frá Vestmannaeyjum og öðrum útgerðarplássum í grenndinni stundaði netaveiðar við suðurströndina á vetrarvertíð. Nú eru einungis þessir tveir Vinnslustöðvarbátar á netum frá Vestmannaeyjum og lítið er líka um slíka útgerð frá Höfn, Þorlákshöfn og Grindavík miðað við það sem áður gerðist.

„Netaveiði hentar vel útvegs- og vinnslufyrirkomulagi okkar og þess vegna heldur Vinnslustöðin tryggð við hana,“ segir Sverrir.

„Stutt er á miðin og lítil olíunotkun á siglingu og við sjálfar veiðarnar. Útgerðarkostnaður er því minni en við margt annað, til dæmis línuveiðar.

Svo er til að að taka að nú hafa menn netin í sjó mun skemur en áður tíðkaðist. Þau eru látin liggja á straumskilum, fallaskilum eða í birtuskilum og dregin nokkrum klukkustundum síðar. Netum er með öðrum orðum beitt á svipaðan hátt og gert væri með línu!

Þannig fæst ferskt og fínt fyrsta flokks hráefni, fiskur sem hentar í margs konar vinnslu en er að miklu leyti saltaður.

Veiðarnar ganga vel og fiskgengd er talsverð. Veður hefur hins vegar háð okkur talsvert.“

 

 

 

Nýjustu fréttir

Aðsend grein
Samgöngur við Vestmannaeyjar – framtíðarsýn eða bráðabirgðalausnir?
Íþróttir
Atli Steinn Arnarson semur við ÍBV
Áhugavert
World Class mun rísa samhliða búningsklefunum
Úr blaði Eyjafrétta
Skvísubúðin fagnar vori og sumri með fjölbreyttu vöruúrvali 
Íþróttir
Stelpurnar æfa af krafti fyrir úrslitakeppnina
Aðsend grein
Vestmannaeyjar – staður þar sem fjölskyldan blómstrar
Fréttir
Sólarupprás og helgistund markaði páskadag í Eyjum
Aðsend grein
Borgarlína eða lífæð? Við erum að velja vitlaust
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.