Eftir að hafa verið varabæjarfulltrúi Sjálfstæðisflokksins í minnihluta á núverandi tímabili, þá hef ég kynnst snertiflötunum sem tilheyra starfi í sveitarstjórn.  Veldur hver á heldur segir máltækið – margt hefur verið vel gert á tímabilinu sem er á enda, en margt hefði ég viljað sjá fara á annan veg. Til þess að hafa áhrif og sjá samfélagið þróast meira í þá átt sem manni hugnast er best að taka þátt og reyna að láta gott af sér leiða. Í ljósi þess hef ég ákveðið að bjóða mig fram í forystu á lista Sjálfstæðismanna í Vestmannaeyjum fyrir næsta kjörtímabil og vinna að því að listi Sjálfstæðismanna nái meirihluta í bæjarstjórn Vestmannaeyja á næsta kjörtímabili.

Með kveðju,
Eyþór Harðarson