Í gærkvöldi fór fram Sumarstúlkukeppni Vestmannaeyja með pompi og prakt þar sem Agnes Líf Sveinsdóttir bar sigur úr bítum. Keppnin var öll hin glæsilegasta og sjá mátti að stúlkurnar höfðu lagt mikla vinnu á sig undanfarnar vikur. Stúlkurnar komu fjórum sinnum fram, fyrst sýndu þær danshæfileika sína við góðar undirtektir áhorfenda, svo var boðið upp á tískusýningu frá Axel �? og Sölku. Að lokum komu stelpurnar fram í kjólum þar sem áhorfendur fengu að kynnast þeim aðeins nánar og sjá myndir úr lífi þeirra.

Hápunktur kvöldsins var þegar verðlauna afhendingin fór fram. Elísabet Bára Baldursdóttir var kosin vinsælasta stúlkan en stelpurnar kjósa sjálfar vinsælustu stúlkuna.

Margrét Lára Hauksdóttir er ljósmyndafyrirsæta Vestmannaeyja, Steiney Arna Gísladóttir var valin Sportstúlkan, Svanhildur Eiríksdóttir hlaut titilinn Bjartasta brosið og Agnes Líf Sveinsdóttir er Sumarstúlka Vestmannaeyja árið 2015.

Nánar verður fjallað um keppnina í næsta tölublaði Eyjafrétta