ÍBV hafði naumlega betur gegn Haukum í fyrstu viðureign liðanna í átta liða úrslitum Olísdeildar karla í handknattleik í Vestmannaeyjum á fimmtudag, 33:31. Eyjamenn voru með sex marka forskot að loknum fyrri hálfleik, 19:13.

Elmar Erlingsson og Petar Jokanovic voru frábærir hjá ÍBV-liðinu. Elmar skoraði 12 mörk í 15 skotum auk sex skapaðra marktækifæra. Jokanovic varði alls 19 skot.

Næsta viðureign liðanna verður á Ásvöllum í dag kl. 16.00. ÍBV getur með sigri tryggt sér sæti í undanúrslitum. Flautað verður til leiks klukkan 16.