Ákveðið hefur verið að útvarpa beint frá leikjum ÍBV í Pepsideild karla í sumar en útvarpsstöðin Suðurland FM (Útvarp Suðurland) sér um þær útsendingar í samstarfi við fyrirtæki á svæðinu. Undanfarin ár hefur stöðin verið með leiki Selfossliðsins í beinni útsendingu en með stækkandi útsendingarsvæði og hækkandi sól, vilja þeir sína það og sanna í verki að þeir séu útvarpsstöð fyrir alla Sunnlendinga. Unnið er að því þessa dagana að setja upp sendi á Klifi og geta Eyjamenn því farið að njóta stöðvarinnar á tíðninni fm 93,3 en einnig er hægt að ná útsendingum á vefsíðu Suðurland FM www.963.is.