Þann 10. júní sl. var birt á vef Vestmannaeyjabæjar auglýsing um sölu fjarskiptainnviða Eyglóar. Var auglýsingin í framhaldinu sömuleiðis birt á vef og síðum Morgunblaðsins, á vefsíðu Vísis sem og á staðarmiðlum í Vestmannaeyjum.

Frestur til að skila tilboðum rann út á hádegi föstudaginn 11. júlí sl. Fram kemur á vef Vestmannaeyjabæjar að eitt tilboð hafi borist. Var það frá Mílu hf. og hljóðaði það upp á 705 milljónir króna. Stjórn Eyglóar hefur samþykkt að ganga til samninga við Mílu á grundvelli kauptilboðsins.