Engin ný smit hafa greinst í Vestmannaeyjum síðasta sólarhringinn og er staðan því enn óbreytt. Fjórir einstaklingar eru í einangrun og 78 í sóttkví. Niðurstöður skimunar á vegum Íslenskrar erfðagreiningar liggja fyrir og reyndust öll sýni sem tekin voru neikvæð.

Aðgerðastjórn vil þakka starfsfólki Íslenskrar erfðagreiningar og Heilbrigðisstofnunar Suðurlands í Vestmannaeyjum fyrir skjót viðbrögð og vel unnin störf við skipulagðar skimanir en samtals hafa um 600 sýni verið tekin. Sömuleiðis þakkar aðgerðastjórn bæjarbúum fyrir góða þátttöku og hafa allir sem einn lagt sitt af mörkum í baráttunni við veiruna með því að gæta vel að eigin smitvörnum. Höldum því áfram!

F.h. aðgerðastjórnar,
Arndís Bára Ingimarsdóttir, aðgerðastjóri.