Eyjamaðurinn Elmar Erlingsson kom að tólf mörkum fyrir Nordhorn-Lingen þegar þeir töpuðu gegn Balingen-Weilstetten, 37-33, á heimavelli í þýsku B-deildinni í handbolta í dag. Nordhorn leiddi í hálfleik með þremur mörkum.

Elmar skoraði fimm mörk úr sex skotum og auki gaf hann sjö stoðsendingar. Elmar er 21 árs leikstjórnandi en hann gekk í raðir Nordhorn árið 2024 frá ÍBV.

Nordhorn er í fimmta sæti þýsku B-deildarinnar með 30 stig á meðan Balingen-Weilstetten er í öðru sæti með 36 stig. Tvö efstu liðin fara beint upp um deild.

Næsti leikur Nordhorn er gegn Potsdam föstudaginn 13. mars. Potsdam situr í sætinu fyrir ofan Nordhorn með 32 stig.